Oarddajávri

Oarddajavri, duottarjávri
Várnjárgga gollegáldu.
Deaddiluvvon váriid gaskii
Sáttobotniin dulbejuvvon.

Dá leabbá jávri, čáhcealit
Muht` iigal abi viidodat.
Su bárut stuora čáhceborgan
Gátti vuostá čeasaidit.

Dovddus dáppe min guovlluin
Imaš namma Oarddajávri.
Du lusa álo miella doalvu
Du guliid vallji guhkás beaggá.

Du guokte reahpen botniteapmi
Du golgi jogat silban šelgot.
Čeavlás njuvččaid galledeapmi
Du guovllus hárvves vuorbi.

Boazočorragiid leat don oaidnán
Bálggadeamen geasi áiggi.
Luomejekkiid ruvssodeamen
Sarriid vilttiin láddamin.

Mearragirdi leat don oaidnán
Vierrogielaid leat don gullan.
Čuđiid mielde guollebivdit
Geassit duolmmadit du gáttiid.

Guhkes dálvvi ráfis oađát
Assas jiekŋalohki vuolde.
Garra biekkat badjel šuvvet
Vilges muohta váriid gokčá.

Báze dearvan Oarddajávri
Mánnavuođa geasseorotat.
Vaikko ahki oktii alás juovdá
De čáppa muittut nuorran bissot.



Publisert:
Oppdatert:
Publisert av:
E-post:
20.09.2005
03.02.2006
Webmaster
e-poasta@mihkku.com